လူတစ်ယောက်ကို သေအောင်သတ်ဖို့
ဓားလှံလက်နက် မလိုကြောင်း

စကားလုံးတွေ အများကြီးကို
တစ်ဖက်တည်းကချည်း ပြောတတ်ပါကြောင်း

အမှောင်ဘက်ခြမ်းကို
ကျွန်မ ဘယ်လောက်စောင်းကျနေပြီ ဆိုတဲ့အကြောင်း

လူတစ်ယောက်ဟာ
ကြံတစ်ချောင်းထက် ပိုအရည်ညှစ်ခံရကြောင်း

ကိုယ် မမှာယူပါဘဲ လိပ်စာနဲ့တကွ ရောက်ရှိလာတဲ့
အမှားများ လက်ခံရရှိတတ်ပါကြောင်း

မျက်နှာသစ်ပြီး စိတ်ညစ်နေသူများအကြောင်း

နည်းနည်းပဲ ပေးနိုင်ပေမယ့်
များများစားစား ပြန်ရတဲ့အခါ မေတ္တာဝန်ပိတတ်ကြောင်း

ကျွန်မပြောမယ်။

#မြကျေး