လေးကြိုးက 🏹
မြှားကိုမေးတယ် 🏹
"နောက်ကို ဘာလို့ဆုတ်တာလဲ''..တဲ့။
မြှားကဖြေတယ်..
"ရှေ့ကို တဟုန်ထိုးပြေးမယ့်သူအတွက်
နောက်ဆုတ်တယ်ဆိုတာ လက်လျော့တာမဟုတ်ဘူး အရှိန်ယူတာပါ...''တဲ့
လေးကြိုးက မြှားကိုမေးတယ်
" တကယ်လိုများ သူမရှိရင်ရော..''တဲ့
မြှားကလည်း လေးကြိုးကိုပြန်မေးတယ်
" တကယ်လို့များ ငါမရှိရင်ရော...'တဲ့
နှစ်ဦးစလုံးတိုးတိုးလေး
ရယ်လိုက်ကြတယ်၊
( ရယ်သံတွေမှာ နာကျင်ခြင်း
တွေများပါနေသလားမသိဘူး)
" ရှင်ဒီကထွက်သွားရင်
ပြန်မလာတော့ဘူးမို့လား..''တဲ့
မြှားတံက ဖြေတယ်
"ငါဟာ တစ်ခါသုံးဆိုတာ
မင်းသိနေတာပဲလေ..... တဲ့
လေးကြိုးမယ်ကပြောတယ်
"ကျွန်မတော့ ရှင့်ကို အားကျတယ်
ရှင့်မှာ လွတ်လပ်မှု အပြည့်ရှိတယ်''. .တဲ့
" တကယ်လို့များအခွင့်သာရင်
ရှင့်လို တစ်ခါလောက်
ပျံကြည့်ချင်တယ်''. .တဲ့။
" ငါဟာ မင်းနဲ့အဝေးဆုံးနေရာ
နေပူ မိုးရွာထဲမှာ ဆွေးမြေ့ရမယ့်
သူပါ ''လို့ ပြောတော့...
" ကျွန်မလဲ ရှင့်လို လွတ်လွတ်လပ်လပ်
ဆွေးမြေ့ချင်လိုက်တာ...''တဲ့။
မြှားကနောက်ကို တဖြေးဖြေးဆုတ်ရင်း
" ငါသွားတော့မယ်..
ငါ့မျက်လုံးတွေက
ရှေ့ကိုပဲကြည့်ခွင့်ရတာ...
ကံကောင်းတယ်..''
" မင်းကို တဖြေးဖြေး ဝေးသွားတာ..
ငါမမြင်ရတော့ဘူးပေါ့..'' တဲ့
" ကျွန်မ ဆုတောင်းပေးမယ်လေ၊
ရှင် ဘာဆုကိုလိုချင်လဲ.....''မေးတော့
" ငါရဲ့ ဦးတည်ရာဟာ သက်ရှိ
မဖြစ်စေ ချင်ဘူး...'' တဲ့..........
#admin-AT
#crdphoto #crd_to_owner 📖📖📖
