#တထိတ်ထိတ်

တိုက်လှေကားထစ်မှာ
ခြေသံတွေများပြားလွန်းတဲ့အခါ
တထိတ်ထိတ်

ရပ်ကွက်ထဲ
လူစိမ်းသူစိမ်းတွေများလွန်းတဲ့အခါ
တထိတ်ထိတ်

သံပုရာသီးသည်က
တစ်ရက်ကို
၃ ခေါက်လောက်လာတယ်

တိုက်ကြီးတံမြက်စည်းက
အဝေးကြီးကနေ
ဘာလို့ လာရောင်းနေရတာလဲ

ဆွမ်းခံကြွတဲ့
ကိုယ်တော်အရေအတွက်
ဒီနေ့ ၃ ပါး တိုးလာတယ်

လူနာတင်ယာဉ်အသံတွေကို
ကြောက်လန့်ရာကနေ
လူနီတင်ယာဉ်အသံတွေကို
သတိထားနေရတယ်

အခြေအနေက
ဆူညံလွန်းရင်လည်း
တထိတ်ထိတ်
တိတ်ဆိတ်လွန်းရင်လည်း
တထိတ်ထိတ်

အရိပ်ကို မြင်တာနဲ့
အရပ်ကို ပုထားရတယ်

အရာရာဟာ
တထိတ်ထိတ်ပဲ

#ညီမင်းညို
28 6 2022 Tue am 9:42