စစ်ကိုင်းမြို့

"စစ်ကိုင်းမြို့"လို့ကြားလိုက်တာနဲ့
တံတားကြီး၂စင်းရယ် စေတီပုထိုးများစွာနဲ့စိမ်းစိုပြီး ကျက်သရေအလွန်ရှိလှတဲ့ စစ်ကိုင်းတောင်တန်းကြီးကို မြင်မိကြမှာပါ။

စစ်ကိုင်းမြို့ဟာ မြတ်စွာဘုရားရှင် ကိုယ်တော်တိုင်က "ဤအရပ်ဒေသသည် နောင်အခါတွင် မင်းဆက် ၇ဆက်ဖြင့် စည်ပင်သာယာ ဝပြောမည်ဟု" ဗျာဒိတ်တော် ပေးခဲ့သော အရပ်ဒေသ ဖြစ်ပါတယ်။

အသင်္ခယာစောယွမ်း မင်းကြီးတည်ထောင်ခဲ့သော ဇေယျာပူရ ခေါ် စစ်ကိုင်မြို့တော်မှာဆိုရင် အထင်ကရ နေရာ၊တန်ခိုးကြီးဘုရားများ၊ လက်ညိုးထိုးလိုက်လျှင်တောင်မှ မလွဲနိုင်အောင်ပင်များပြားလှသောသော စေတီများစွာရှိပါတယ်။

မျက်စိမှိတ်ပြီးလက်ညိုး ထိုးလိုက် မယ်ဆိုရင်တောင် မျက်စိဖွင့်လိုက်ရင် အဲ့ဒီနေရာမှာ စေတီတစ်ဆူ ရှိနေတာပါ ဒါ့ကြောင့်လည်း စစ်ကိုင်းမြို့ကို "ဒုတိယ ပုဂံ" ရယ်လိုပင် တင်စားကြတာ မဟုတ်လား။
မြန်မာနိုင်ငံရဲ့ အသက်သွေးကြော မိခင်ဧရာ၀တီမြစ်ကြီးရဲ့ ရင်ခွင်ထဲကမြို့တော်ဆိုလည်းမမှားပါဘူး ။

စစ်ကိုင်းမြို့မှာ"ကမ္ဘာ့မှတ်ဥာဏ် အကောင်းဆုံး ဂရင်းနစ် မှတ်တမ်း၀င်သော မင်းကွန်းဆရာတော်ဘုရား ကြီး"၏ တိပိဋက ကျောင်းတိုက်များတည်ရှိရာ မင်းကွန်း ဒေသ ရှိနေပြန်ပါတယ်။

တီးနိုင်ထိုးနိုင်သော ကမ္ဘာ. အကြီးဆုံး မင်းကွန်းခေါင်းလောင်းကြီး နှင့် မင်းကွန်းပုထိုးတော်ကြီး ၊ မြသိန်းတန်စေတီ တို့ဟာဆိုရင်မြန်မာတို့သာ မက ကမ္ဘာလှည့်ခရီးသွား များပင် ရင်သပ်ရှု့မောရသောနေရာများပင်မဟုတ်ပါလား။

စစ်ကိုင်းတောင် ဘက်ကိုသွားမည်ဆိုလျှင်လည်း မြန်မာပြည် အနှံ့ အပြားမှ လူသိများထင်ရှားသော ဆွမ်းဦးပုညရှင် စေတီ ဥမင်သုံးဆယ်စေတီအစရှိသဖြင့် တန်ခိုးကြီးဘုရားများရှိပါ သေးသည်။

ဒ့ါအပြင် မြန်မာနိုင်ငံမှာရှိတဲ့"စည်းခုံ" ဘွဲ့ခံဘုရားများ အနက် ထုထည်အကြီးမားဆုံး ဖြစ်သော "မဟာစည်းခုံကြီးစေတီ" ကိုလည်းမြို့ရဲ့ကျက်သရေ ဆောင်အဖြစ် ဖူးတွေ့ရမှာပါ ။

စစ်ကိုင်းတောင်ရိုးက "အရိယာဝံသရုပ်စုံကျောင်း"ဟာဆိုရင်လည်းတန်ဖိုးမဖြတ်နိုင်တဲ့အနုပညာလက်ရာတွေရှိနေပြန်တာကြောင့်သွားရောက်လေ့လာစေချင်ပါသေးတယ်။

စစ်ကိုင်းမြို့ကိုရောက်ပြီဆိုရင်တော့မဖြစ်မနေ ဖူးတွေ့စေချင်တာကတော့ သာလွန်မင်းတရားကြီး တည်ထားကိုးကွယ်ခဲ့သော "ရာဇမဏိစူဠာ ကောင်းမှုတော်စေတီတော်မြတ်ကြီး" ပါပဲ အင်မတန်ကြည်ညိုသပ္ပါယ်ဖွယ်ကောင်းသော စေတီတစ်ဆူဖြစ်ပါတယ် ။

"နလန်မထူကံတလှုဆိုတဲ့ဆိုရိုးစကား"ကိုကြားဖူးကြမှာပါ "ကံတလှုဘုရားကိုလည်းသွားရောက်ဖူးမျှော်ရင်းအောင်မြေနင်းနိုင်ပါသေးတယ်။

သီတဂူဆရာတော်ဘုရားကြီးရဲ့ သီတင်းသုံးရာကျောင်းတော်၊ပါမောက္ခချုပ်ဆရာတော်ဒေါက်တာအရှင်နန္ဒမာလာဘိဝံသ၏ မဟာသုဗောဓာရုံ ကျောင်းတိုက်တော် သီတဂူ အပြည်ပြည်ဆိုင်ရာ ကမ္ဘာဗုဒ္ဓတက္ကသိုလ်၊သီတဂူအပြည်ပြည်ဆိုင်ရာဝိပသနာအကယ်ဒမီ တို့ဟာလည်း စစ်ကိုင်းမြို့ကိုရောက်ဖူးသူတိုင်း အဖို့ အံ့ဩခမ်းနားမှုတို့ကို ခံစားရစေမှာပါ။

ဒါ့အပြင်အပြည်ပြည်ဆိုင်ရာဗုဒ္ဓပညာရေးစင်တာ(IBEC)ကိုလည်းစစ်ကိုင်းမြို့မှာခမ်းနားစွာတွေ့မြင်ကြရမှာပါ။

ဧရာရစ်ဝိုင်း ရွှေစစ်ကိုင်းဆိုသလိုပဲ ဧရာ၀တီမြစ်ကြီးဟာ စစ်ကိုင်းမြို့ကို ရစ်ခွေပြီး စီးဆင်း နေတာပါ။ ကျန်းမာရေးအတွက်အထူးကောင်းမွန်တဲ့ ဓာတ်စာ တစ်မျိုးဖြစ်တဲ့ စိမ်းပြာရေညှိတွေထွက်တဲ့ ရေခါးအင်းဘက်ကိုလည်း သွားရောက်လေ့လာနိုင်ပါသေးတယ်။

ဝါတွင်း ကာလတစ်လျှောက်လုံး ဘုရားစဉ်၁၄ ဆူကိုဆွမ်း ပန်း ရေချမ်း ဆီမီးများနဲ့ ကပ်လှုပူဆော်ကြတာလည်း စစ်ကိုင်းမြို့တော်ကြီးရဲ့အင်မတန်ကောင်းမြတ်တဲ့ အစဉ်အလာတစ်ခုသဖွယ် ဖြစ်နေပြန်ပါတယ်။

ညနေခင်း ကမ်းနားလမ်းကို လမ်းလျှောက်ထွက်ပြီးညဘက်မှာအလွန်ခမ်းနားနဲ့ ရတနာပုံတံတားပေါ်ကို လေညှင်းခံရင်း မြို့ရဲ့ည ရှုခင်းကိုကြည့် ရတဲ့အရသာကို ဘာနဲ့မှမလဲနိုင်ပါဘူး။"ရွှေတောင်ဦးမော်ရှု့့မျှော်ခင်းမြစ်တွင်းသာယာပေ"ဆိုတဲ့သီချင်းစာသားလေးထဲ ကလို ပဲအပြင်မှာတစ်ကယ်ပင်သာယာလှပတဲ့ စစ်ကိုင်းမြို့ရဲ့ရှု့ခင်းအကျော် အမော် ရွှေတောင်ဦးမော်စေတီတော်ကိုလည်း သွားရောက်ဖူးမျှော်စေချင်ပါသေးတယ်။

ရွှေတောင်ဦးမော်စေတီအနီးနားက ကနောင်မင်းသားကြီးရဲ့ ကြီးမားလှတဲ့ သံချပ်ဖိုကြီးရှိရာ နေရာကိုလည်းသွားရောက်လေ့လာရင်း photo လှလှလေးတွေရိုက်လို့ရပါသေးတယ်။ ရှင်ပင်နံကိုင်းစေတီပေါ်ကနေ မြင်တွေ့ရမယ့်စစ်ကိုင်းမြို့ရဲ့မြင်ကွင်းကလည်း အရမ်းပဲ လှပလွန်းပါတယ်။ဧမြ၀တီ ရက်ကွက်နားက "အစေခံ "ခံတပ် ကြီးကိုလည်း သွားရောက်လေ့လာနိုင်ပါသေးတယ် ။

အစေခံ ခံတပ်ဟာ ရတနာပုံခေတ်က မင်းနေပြည်တော်ကို ကာကွယ်ဖို့တည်ဆောက်ခဲ့တဲ့ ခံတပ်၃ခု ထဲက တစ်ခုအပါအ၀င်ဖြစ်တဲ့ ခံတပ်ကြီးလည်းဖြစ်ပါတယ်။

ရိုးရာ လက်မှုလုပ်ငန်းတစ်ခုဖြစ်တဲ့ ရက်ယန်းလုပ်ငန်း တွေကိုလည်း လေ့လာနိုင်ပါသေးတယ်။ မင်း၀န်တောင်ရိုးက ဓားမ ကူးကန်တော်ကိုလည်း သွားရောက်လည်ပတ်စေချင်ပါတယ်။

မြို့တည်နန်းတည် အနှစ် ၇၀၀ ကျော်ပြီဖြစ်တဲ့ စစ်ကိုင်းမြို့တော်ဟာ မြန်မာနိုင်ငံရဲ့ အလှဆုံးမြို့၁၀မြို့ စာရင်း၀င်လည်း ဖြစ်ပါတယ်။

သာသနာရောင်ဝါထွန်းလင်းပြီးအလှုအတန်းအပေါများဆုံးမြို့ဆိုလည်း မမှားပါဘူး ။ စစ်ကိုင်းတောင်မှာ သီတင်းသုံးကြတဲ့ဆရာတော်များနှင့် သီလရှင်တို့ရဲ့ ချောင်ပေါင်း များစွာက
သာသနာနယ်မြေ၊ သာသနာထွန်းကားရာ နယ်မြေဖြစ်ကြောင်း သက်သေညွှန်းဆိုနေပြီမဟုတ်ပါလား ။

အနာဂါတ်သားကောင်းရတနာတို့အတွက် ပညာရေးအတွက်လည်း " စစ်ကိုင်းတက္ကသိုလ် ၊ ပညာရေး တက္ကသိုလ်၊နည်းပညာတက္ကသိုလ်၊
ပြည်ထောင်တိုင်းရင်းသားလူငယ်များဖွံ့ဖြိုးရေးတက္ကသိုလ်၊ သမဝါယမ တက္ကသိုလ်၊ ပညာရေးကောလိပ် ၊ ပြည်ထောင်စုတိုင်းရင်းသားစွမ်းရည်ဖွံ့ဖြိုးရေဒီဂရီကောလိပ် အစရှိသည်ဖြင့် တက္ကသိုလ် ကောလိပ်များစွာ ရှိနေသေးသည်။ သာယာလှပတဲ့ဇေယျာရွှေမြေ ဆိုတဲ့ စစ်ကိုင်းမြို့လေးစီကို တစ်ခါတစ်ခေါက် တော့လာလည်စေချင်တာအမှန်ပါ။

အဆင့်မြင့်ဟိုတယ်ကြီးများနဲတည်းခိုခန်းများစွာလည်းရှိတာမို့ လာရောက်သူတွေအဖို့ အဆင်ပြေစေမှာပါ ။ မြို့လယ်မှာလည်း မြို့ရဲ့ကျက်သရေဆောင် ဆင်များရှင်ဘုရားကိုလည်း ဖူးတွေ့နိုင်ပါသေးတယ်။ ညနေခင်းတွေဆိုလည်းရွှေမင်းဝံပန်းခြံနဲ့ဗိုလ်ချုပ်ပန်းခြံဘက်ကိုလည်း အပန်းဖြေနိုင်ပါသေးတယ်။ အလွန်သာယာတဲ့ဇေယျာမြေကိုလာလည်ကြဖို့ ဖိတ်ခေါ်လိုက်ပါတယ်။ အိမ်ပြန်လက်ဆောင်အနေနဲ့လည်း ကမ္ဘာတစ်လွှားနာမည်ကျော်ကြားတဲ့ စစ်ကိုင်းအိုး အပါအ၀င် စစ်ကိုင်းဂစ်တာနဲ့ ငွေထည်ပစ္စည်း တွေကိုလည်း ၀ယ်ယူနိုင်ပါသေးတယ်။

Credit..Zeya Than Htike

photo ပိုင်ရှင်အများ.crd.ပေးပါသည်ဗျာ