ဗုဒ္ဓ ဟောကြားတော်မူသော
ပေါင်းဖော်အပ်တဲ့သူငယ်ချင်းကောင်း ( ၄ ) မျိုး
➖➖➖➖➖➖➖➖➖➖➖➖➖➖
၁ ။ ကူညီတတ်တဲ့ သူငယ်ချင်း
သင် ထိခိုက် ၊ နာကျင် နေချိန်မှာ ကာကွယ်ပေးတယ် ။ သင် ကြောက်နေချိန်မှာ လုံခြုံ ၊ နွေးထွေးမှု ပေးတယ် ။ သင် ဘယ်လို အခက်အခဲမျိုး နဲ့ ကြုံနေချိန်ဖြစ်ပါစေ ၊ ငါ ပြန်ရဖို့မမျှော်ကိုးပဲ အမြဲအကူအညီပေး တတ်တယ် ။
၂ ။ မြဲမြံတဲ့သူငယ်ချင်း
သင့် လျှို့ဝှက်ချက်တွေ ကို ၊ သူ့ရဲ့ ကိုယ်ပိုင် လျို့ဝှက်ချက်တွေ လိုပဲ လုံခြုံအောင် ထိန်းသိမ်း ပေးတယ် ။ သင် ဆင်းရဲ ၊ ဒုက္ခ နဲ့ ကြုံနေချိန်မှာလည်း သင့်ကို မနှိမ့်ချဘူး ၊ စွန့်ခွာမသွားဘူး ။ သင့်ဘဝရဲ့ အနိမ့်အမြင့် ၊ အတက်အကျတိုင်းကို သင် နဲ့ အတူ ရင်ဆိုင် ၊ ဖြတ်သန်းပေးတတ်တယ် ။
၃ ။ အကြံဉာဏ် ပေးတတ်တဲ့ သူငယ်ချင်း
သင် မကောင်းတာတွေလုပ်တဲ့အခါ တားမြစ်ပြီး ၊ ကောင်းတာတွေလုပ်ဖို့ အကြံဉာဏ်ပေးတတ် တယ် ။
သင် သိသင့်တဲ့အရာတွေကို ပြောပြသလို ၊
သင် သွားသင့်တဲ့နေရာကို လမ်းညွှန်ပြသပေးတယ် ။
သင့်အပေါ် ဆရာသမားတစ်ယောက်လို၊ မိဘလိုမျိုး ချစ်ခြင်းမေတ္တာ ၊ ကြင်နာမှုတွေ နဲ့ စိတ်ရှည်ရှည် သင်ကြားပေးတတ်သူ ဖြစ်ပါတယ် ။
၄ ။ စာနာထောက်ထား ၊ ကြင်နာတတ်တဲ့ သူငယ်ချင်း
သင် ကံဆိုးနေတဲ့အခါ ၊ မပျော်ရွှင်ပဲ ခံစားပေးတတ်ပြီး ၊ သင် ကံကောင်းနေတဲ့အခါ ကျေနပ် ၊ ဝမ်းသာ ပေးတတ်တယ် ။
တခြားသူတွေက သင့် အကြောင်း မကောင်းပြောနေတဲ့အခါ ကာကွယ်ပေးပြီး ၊
သင့်ရဲ့ ကောင်းကွက်တွေကို ပြောပေးတတ်တယ် ။ သင့် အတွက် ချစ်ခြင်းမေတ္တာ ၊ ချီးမွမ်းစကားတွေနဲ့ ပျော်ရွှင်မှုတွေပဲပေးပြီး ၊ သင့်ခက်ခဲ ချိန်တိုင်း သင့်လက်ကိုတွဲပြီး ဖြတ်သန်းတတ်တယ် ။
ဒီလို သူငယ်ချင်း ( ၄ )မျိုးက ဘဝမှာ....
" ပေါင်းသင်းအပ်တယ် "လို့ ဗုဒ္ဓမြတ်စွာဘုရားက ဟောကြား တော်မူခဲ့ပါတယ် ။
[ သုံးပုံ ပိဋိကတ် ]
ကြည်ညို မဆုံး နှလုံးသား အေးမြ ၊ မြတ်ဗုဒ္ဓ
သင့်မှာလည်း ဒီလို ပေါင်းသင်းအပ်တဲ့ သူငယ်ချင်းတွေကို ပိုင်ဆိုင်ခွင့်ရထားပြီလား...! ဒါဆိုရင်တော့ သူတို့နာမည်လေးတွေကို Mention ခေါ်ရင်း သင့်ရဲ့အသိအမှတ်ပြုမှုနဲ့ ၊ အလေးထားမှု တွေကို ဖော်ပြလိုက်ပါဦးနော် ?
ဓမ္မဒါန ပြုသူ = Khin San Htay
blank
22 blog posts